Почитувани купувачи,

Нашата Web страницата се ажурира на секои 1-2 часа и залихата која е прикажана е во согласност со актуелната состојба во магацин. Доколку производот е означен со “In Stock” (или „На залиха“) тогаш тој производ е достапен за купување.

Доколку производот е означен со “Expected soon” или „Се очекува наскоро“ тогаш тој производ физички не е на залиха и го очекуваме да пристигне во наредниот период кој максимално може да изнесува 30 дена.

Во тој случај имате две можности:

Креирајте Ваша листа на омилени производи (“Wishlist” или „Известувања“), ставете ги производите за кои сте заинтересирани во листата со кликнување на знакот ♥ (срце) покрај производот и во Вашата листа изберете кои известувања сакате да ги добивате за тие производи (промена на залиха, цена или промоција). Истиот момент кога ќе има било каква промена за производот, системот веднаш ќе Ве извести и Вие ќе имате можност да го купите производот.
Напомена: За да ја користите оваа опција, треба да се регистрирате на системот за да отворите бесплатен кориснички профил и да внесете e-mail на кој сакате да ги добивате известувањата (Прочитајте ја нашата политика за приватност овде).

Доколку производите сакате да ги купите преку жиро сметка на фактура, тогаш во Вашата листа на омилени производи, притиснете на копчето „Побарајте понуда“ или “Ask For an Estimate“:


Често поставувани прашања

Дали производот го имате на залиха и дали можам да го купам?
Како што е опишано погоре, доколку пишува дека го има на залиха, можете да извршите купување на производот. Производите се купуваат исклучиво преку интернет страната со можности за плаќање при испорака, со картичка или преку PayPal. Дистрибуцијата се врши со наши возила или преку партнерските компании за транспорт – Карго, Еко Логистик и DHL. Не постои можност за плаќање на лице место и лично преземање на производите од нашиот магацин. Испораката за нарачки над 2000 денари е бесплатна за територијата на цела Македонија.

Кое ви е работното време?
Нарачките можете да ги направите било кој ден во било кое време преку интернет страната. Нарачаните производи до 12:00 часот се доставуваат истиот работен ден во Скопје, наредниот работен ден низ Македонија и за 3 дена низ целиот свет со DHL. Доколку производот се очекува да пристигне (означен дека е „На залиха“) во Македонија, тогаш најдолгото време за испорака е 7 дена за било која локација. Доколку периодот за испорака Ви игра важна улога, контактирајте со нас пред да го нарачате производот за точна информација околу испораката.

Кога го очекувате производот?
Единствен начин да добиете информација кога ќе пристигне производот и која ќе му биде цената е на начин опишан погоре, со ставање на посакуваните производи во листа на омилени артикли при што ќе добивате автоматска порака за секоја промена на залихата, цената или акција за означените производи. Термини и цени не може да гарантираме од причина што понекогаш испораката на производите може да се пролонгира од други фактори кои не зависат од нас, а цената се формира на денот на пристигнување на производот во нашиот магацин.

Дали може да се нарача производ кој се очекува да пристигне?
За производи кои се очекуваат не може да се изврши нарачка бидејќи цената се формира во моментот на пристигнување на производот. Единствено може да се нарачаат производи за кои ќе се договорат услови, цени и рокови на испорака со претходна резервација и Ваше барање за понуда како што е опишано погоре.

Дали може да се видат производите и лично да се подигнат?
Оваа интернет страница на Галамино е наменета исклучиво за онлајн продажба на физички лица или купувања на фактура за правни лица преку која добивате фабрички спакувани нови и оригинални производи со важечка гаранција и испорака на Ваша адреса. Доколку сакате да купувате на класичен начин и да ги разгледате производите, можете да ги најдете во секој поголем маркет за технички стоки.

Дали производите се нови, имаат гаранција и дали се фабрички спакувани?
На секој производ за кој следува гаранција таа е наведена под цената на самиот производ. Серискиот број на производот и бројот на нарачката се регистрираат во Галамино и гаранцијата Ви важи од денот на испорака на производот. Во случај на било какви забелешки за производот можете да не контактирате директно нас или да се обратите во еден од 40-те овластени сервиси во Македонија или во овластени сервиси од производителот во други земји во согласност со важечките законски прописи и условите пропишани во гарантниот лист и фабричката гаранција од производителот која се наоѓа во пакетот во кој е спакуван уредот.

Дали може да се нарача телефонски или преку порака?
Нарачки се примаат исклучиво преку интернет страната со цел да се избегне недоразбирање и грешки во нарачките.

Дали може да се случи да го нарачам производот, а тој да не е на залиха?
Тоа е многу редок случај, но не е исклучена можноста да во периодот меѓу две ажурирања на страницата (период од околу 2 часа) некој го купил последното парче. Во тој случај, доколку сте го платиле производот, парите ќе Ви бидат веднаш вратени на истата сметка, а доколку сте го нарачале со плаќање при испорака, предност има купувачот кој веќе го платил производот преку банкарскиот систем на cPay со платежна картичка или преку PayPal.

 

Дали производот ги има следниве карактеристики?
Најдобри информации за производите може да добиете на страниците на нивните производители. Не е исклучена можноста на нашата интернет страница да нема целoсни спецификации за производот или производителот да извршил промени на постоечките. Доколку некои од спецификациите Ви се од повисока важност Ве упатуваме да ги прочитате карактеристиките на официјалната страница на производителот на уредот.

Во случај Вашето прашање да не е одговорено во текстот погоре, можете да ни се обратите преку нашата контакт форма овде.